राजनीति


आफूसँग जेलमा बसेका साथीहरुलाई राष्ट्रपतिले शपथमा बोलाए

आफूसँग जेलमा बसेका साथीहरुलाई राष्ट्रपतिले शपथमा बोलाए

फाइल तस्बिर


नेपालखबर
फागुन २९, २०७९ सोमबार ११:४१, काठमाडौँ

नवनिर्वाचित राष्ट्रपति रामचन्द्र पौडेलले आफूसँग जेल जीवन बिताएका व्यक्तिहरुलाई शपथ ग्रहण समारोहमा बोलाएका छन्। 

उनले पञ्चायती शासन व्यवस्थामा जेल पर्दा आफूसँगै रहेका व्यक्तिहरुलाई राष्ट्रपति भवन शीतल निवासमा सोमबार दिउँसो १ बजे हुन गइरहेको शपथ ग्रहण समारोहमा अतिथिका रुपमा बोलाएका हुन्।   

इन्दु शर्मा, गोविन्द कँडेल, रघुपति शर्मालाई शपथ ग्रहणमा आमन्त्रण गरिएको राष्ट्रपति पौडेलका सहयोगीले बताएका छन्। 

‘इन्दु शर्मा, गोविन्द कँडेल, रघुपति शर्मासँगै जेल बसेका मान्छे हुन्,’ उनका एक सहयोगीले भने, ‘उहाँहरुलाई शपथ ग्रहण समारोहमा बोलाएका छौँ।’

उनले पौडेल बागलुङ जेलमा बस्दा दूध पुर्याउने डिलप्रसाद सापकोटालाई पनि बोलाइएको जानकारी दिए। 

‘डिलप्रसाद सापकोटा (सापकोटा वाजे) बागलुङ जेलमा बस्दा जेलमा दूध पुर्याउने मान्छे हो,’ ती सहयोगीले भने, ‘सापकोटा बाजेलाई बाग्लुङबाटै बोलाएको छ।’
 

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .