डेढ लाख घुस लिएको आरोपमा मालपोतका नासुमाथि मुद्दा दायर

भूमिसुधार तथा मालपोत कार्यालय, इनरुवा सुनसरीका नायव सुब्वा सुदिप कटुवाल र खरिदार रमेश अधिकारी उपर घुस÷रिसवत लिई भ्रष्टाचार गरेको सम्बन्धी आरोप पत्र दायर भएको छ।

अख्तियार दुरुपयोग अनुसन्धान आयोगले कटुवाल र अधिकारीउपर विशेष अदालत काठमाडौंमा बिहीबार मुद्दा दायर गरेको हो।

आयोगको कार्यालय, इटहरीबाट खटिई गएको टोलीले उनीहरुलाई सेवाग्राहीसँग एक लाख ५० हजार रुपैयाँ घुस/रिसवत बापतको रकम लिइसकेको अवस्थामा असोज १२ गते नियन्त्रणमा लिएको थियो।
 

अनुसन्धानको सिलसिलामा कटुवाल र अधिकारीको आपसी मिलोमतो तथा योजनामा अंशवण्डा नामसारी गरी दिएबापत सेवाग्राहीसँग घुस रकम लिएको पाइएको अख्तियारको भनाई छ।