युनिकोड
बुधबार (साउन ९ गते) काठमाडौँमा सौर्य एयरलाइन्सको विमान दुर्घटनामा १८ जनाको मृत्यु भएको शोकमा सरकारले आज (बिहीबार) राष्ट्रिय झण्डा आधा झुकाउँदै छ।
बुधबार बसेको मन्त्रिपरिषद् बैठकले राष्ट्रिय झण्डा आधा झुकाउने निर्णय गरेको हो।
त्रिभुवन विमानस्थलबाट पोखरा जान लागेको सौर्य एयरको विमान बुधबार बिहान ११:११ बजे विमानस्थलमै दुर्घटना हुँदा विमान सवार १९ मध्ये १८ जनाको मृत्यु भएको थियो। सामान्य घाइते अवस्थामा उद्धार गरिएका विमानचालक मनिषरत्न शाक्यको केएससी अस्पतालमा उपचार भइरहेको छ।
दुर्घटनाबारे अध्ययन गर्न सरकारले नागरिक उड्डयन प्राधिकरणका पूर्वमहानिर्देशक रतीशचन्द्रलाल सुमन संयोजकत्वमा पाँच सदस्यीय जाँचबुझ आयोग पनि गठन गरेको छ।
आयोगले दुर्घटनाको कारण र निवारणको सुझावसहितको प्रतिवेदन तयार गर्न ४५ दिनको समय दिइएको छ।
प्रतिक्रिया