प्रधानमन्त्री कप एकदिवसीय राष्ट्रिय क्रिकेट प्रतियोगितामा सुदूरपश्चिम प्रदेशले पहिलो हार सामना गरेको छ।
सोमबार भएको खेलमा मधेस प्रदेशसँग ८० रनले पराजित भएसँगै सुदूरपश्चिमले प्रतियोगितामा पहिलो हार व्यहोरेको हो।
हासँगै सुदूरपश्चिम ६ अंकमा चौथो स्थानमा झरेको छ। चार खेलमा ३ मा जित र एक् खेलमा हार भोगेको सुदूरको ६ अंक छ।
चौथो जित निकालेको मधेस प्रदेशले चार खेलमा जित र २ खेलमा हार भोग्दै ८ अंकमा तेस्रो स्थानमा छ।
मधेसले दिएको ३ सय २० रनको लक्ष्य पछ्याएको सुदूरपश्चिम ४४.५ ओभरमा २ सय ३९ रन बनाउँदा अलआउट भयो।
सुदूरका लागि नरेश भट्टले १ सय २१ रनको पारी खेलेपनि टोलीको हार टार्न सकेनन्। १ सय २२ बलमा १२ चौका र १ छक्का प्रहार गर्दा क्याच आउट भए।
नारायण जोशीले २६ र किरण टगुन्नाले २० रन थपे। नरेन साउदले १८, खडक बोहोराले १४ र गजेन्द्र बोहोराले १२ रन थपे।
सुदूरलाई कम स्कोरमा रोक्न प्रदीप पासवान र राजेश यादवले समान ३ विकेट लिए। रन्जित कुमारले २ विकेट झारे। हरिशंकर शाह, पवन सर्राफले समान एक विकेट आफ्नो नाममा गरे।
त्यसअघि कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ गरेको मधेसले निर्धारित ५० ओभरमा ९ विकेट गुमाउँदै ३ सय १९ रनको योगफल तयार पारेको थियो।
सुदूरका लागि मयन यादवले १ सय १५ रनको महत्वपुर्ण योगदान दिए। १ सय २८ बलको सामना गरेका मयनले ८ चौका र २ छक्का हाने।
पवन सर्राफले ७० रन थपे। उनले ६३ बलमा ४ चौका र ४ छक्का हाने।
७० बलमा ६ चौका र २ छक्का हानेका अनिल शाह ६९ रनमा क्याच आउट भए।
रुपेश सिहले २१, अविशेक तिवारीले १६ र कप्तान हरिशंकर शाहले १४ रन बनाए।
सुदूरका लागि शेर मल्लले ४ विकेट लिए। विकास आग्रीले २ विकेट लिए। नारायण जोशी र गजेन्द्र बोहोराले समान एक विकेट लिए।
Shares
प्रतिक्रिया