युनिकोड
सुदूरपश्चिम प्रदेश सरकारको मन्त्रीमा माओवादीबाट सिफारिस भएकाहरूको नाम रोक्न माग गर्दै माओवादीकै सांसदहरूले मुख्यमन्त्री दीर्घ सोडारीलाई पत्रचार गरेका छन्।
मन्त्रीको सिफारिसमा संसदीय दलका नेता मानबहादुर धामीले सल्लाह नै नगरी सिफारिस गरेको भन्दै सांसदहरू खगराज भट्ट, झपट साउद, शिव ओली, रमेश धामी र जानकी कुवर पौडेलले ध्यानाकर्षणसहित पत्र लेखेका हुन्।
माओवादी केन्द्रबाट अक्कलबहादुर रावल, ओमबिक्रम भाट र लक्ष्मी विक मन्त्रीको सिफारिस भएका छन्।
प्रधानमन्त्री पुष्पकमल दाहाल र नेकपा एमाले अध्यक्ष केपी शर्मा ओलीबीच सुदूरपश्चिम सरकार विस्तारका लागि समझदारी जुटेपछि मुख्यमन्त्री सोडारीले सरकार विस्तार गर्न लागेका हुन्।
सोमबार ५ बजे मन्त्रीहरूको शपथ ग्रहणको तयारी गरिएको छ।
यद्यपि माओवादीभित्र भने असन्तुष्टि बढेको छ।
प्रतिक्रिया