युनिकोड
सीताराम कट्टेल ‘धुर्मुस’ र कुञ्जना घिमिरे ‘सुन्तली’ले निर्माण गरेको वेब फिल्म ‘म त मर्छु कि क्या हो’ ले युट्युबमा राम्रो भ्युज पाइरहेको छ।
१२ दिनअघि सार्वजनिक उक्त फिल्मले आइतबार दिउँसो २ बजेसम्म २१ लाखभन्दा बढी भ्युज पाइसकेको छ। दर्शकबाट प्रतिक्रिया पनि राम्रा आइरहेका छन्।
२ घण्टा लामो फिल्ममा सीताराम र कुञ्जना धुर्मुस र सुन्तलीकै भूमिकामा छन्।
फिल्मका अन्य कलाकारमा रवि गिरी, बुद्धि तामाङ, विजय बराल, पल्पसा डंगोल, बलदीप राई, सुमन कार्की, सुमन कोइराला, प्रमिला खनाल, घनश्याम गौतम, सुनिता घिमिरे, पुष्पा आचार्य र सुशीला थापा छन्। धुर्मुस र सुन्तलीकै लेखन तथा निर्देशनमा बनेको फिल्म सुदीप बरालले छायांकन तथा मिलन श्रेष्ठले सम्पादन गरेका हुन्।
कोरोना महामारीका बेला चितवन आसपास छायांकन गरिएको ‘म त मर्छु कि क्या हो’ फिल्म ओटीटी प्लेटफर्म ‘ओहो मुभिज’मा राखिएको केही समयपछि युट्युबमा सार्वजनिक गरिएको हो।
हेर्नुहोस्-
प्रतिक्रिया