‘जेरी अन टप’ का निर्माताको आनालाई जवाफ : तपाइँका कारण ७० जनाको टिमले दुःख पाउनुपर्ने?

चलचित्र ‘जेरी अन टप’ का निर्माता सरोज न्यौपानेले अभिनेत्री आना शर्माले लगाएको आरोपमा सत्यता नरहेको बताएका छन्।

शुक्रबार सामाजिक सञ्जालमा स्ट्याटस लेख्दै न्यौपानेले अभिनेत्री आनाका कारण करोडौं लगानी डुब्ने र सिंगो टिमले दुःख पाउने अवस्था आएको बताएका छन्।

अभिनेत्री शर्माले ‘जेरी अन टप’ बाट आफूलाई बिनाजानकारी हटाइएको आरोप लगाएकी थिइन्। तर, निर्माता न्यौपानेले भने बिनासम्पर्क उनी आफैँ हराएको र पटक–पटक फोन गर्दासमेत कुनै रेस्पोन्स नगरेको आरोप लगाएका छन्।

‘उहाँको प्राइभेट लाइफ’ ले करोडौं लगानी गर्ने निर्माता र हाम्रो प्रोजेक्ट ‘जेरी अन टप’मा काम गर्ने ७० जनाले दुःख पाउनु कति सम्मको जायज हो’ न्यौपानेको प्रश्न छ, ‘ निर्माताको पीडा बुझ्न नसक्ने नि कलाकार हुन्छ?’