चीनको राष्ट्रिय मौसम विज्ञान केन्द्रले बिहीबार वर्षा र धीबेहरीका लागि चेतावनी जारी गरेको छ। देशका केही भागमा भारी वर्षा हुने अनुमानका आधारमा ‘नीलो’ चेतावनी जारी गरिएको हो।
बिहीबार दिउँसोदेखि शुक्रबार दिउँसोसम्म गुइझोउ, हुनान, जियाङ्सी, फुजियान, गुआङ्सी, गुआङ्डोङ, निङ्जिया र सानक्सीका केही भागहरूमा भारी वर्षा हुने पूर्वानुमान गरिएको छ।
मौसम विज्ञान केन्द्रका अनुसार यी क्षेत्रका केही भागमा आँधीबेहरीका साथ अधिकतम समय ५० मिलिमिटरभन्दा बढी वर्षा हुने अनुमान गरिएको छ।
स्थानीय सरकारहरूलाई उचित तयारी गर्न र तदनुसार आफ्नो जिम्मेवारी पूरा गर्न आग्रह गरिएको छ। विद्यालय र किन्डरगार्टेनलाई विद्यार्थी र बालबालिकाको सुरक्षा सुनिश्चित गर्न भनिएको छ।
यसैगरी सम्भावित सडक जलमग्नका कारण र ट्राफिक जाम हुन सक्ने हुँदा चालकहरूलाई सावधानी अपनाउन सल्लाह दिइएको छ।
चीनमा चार वाट स्तरका रङ–कोडित मौसम चेतावनी प्रणाली प्रयोग गरिन्छ, जसमा रातोले सबैभन्दा गम्भीर चेतावनीको प्रतिनिधित्व गर्दछ भने त्यसपछि सुन्तला, पहेंलो र निलो रङ्को चेतावनी क्रमशः जारी हुन्छ।
Shares
प्रतिक्रिया