यी हुन् मतगणना हुन बाँकी ८ जिल्ला

मंसिर ४ गते सम्पन्न प्रतिनिधि सभा र प्रदेश सभाको निर्वाचनको मतगणना अधिकांश जिल्लामा जारी छ। 

केही जिल्ला र क्षेत्रमा मतगणना सकिइसकेको छ। तर, देशका ८ वटा जिल्लाका निर्वाचन क्षेत्रमा मतगणना सुरु भएको छैन। 

निर्वाचन आयोगका अनुसार दोलखा १, स्याङजा २, गुल्मी १, डोल्पा १, मुगु १, हुम्ला १, सुर्खेत १ र बाजुरा १ निर्वाचन क्षेत्रमा मतगणना सुरु नगरिएको आयोगले जनाएको छ। 

आयोगका अनुसार हुम्ला र डोल्पामा मतपेटिका संकलन हुन सकेको छैन भने बाजुरामा स्थगित मतदानको नयाँ मिति तय भइसकेको छैन ।