संघीय संसदका दुवै सदनमा नयाँ सचिव नियुक्त भएका छन्। राष्ट्रपति रामचन्द्र पौडेलले बिहीबार दुवै सदनमा नयाँ सचिव नियुक्त भएका हुन्।
यसअघिका सचिवहरुले पाँच वर्षे कार्यकाल पूरा गरेर बिदा भएपछि नयाँ सचिव नियुक्त गरिएको राष्ट्रपतिको कार्यालयका सचिव यादवप्रसाद कोइरालाले बताएका छन्।
संघीय संसद सचिवालयका अनुसार प्रतिनिधिसभाको नयाँ सचिवमा पाल्पाको रिब्दीकोट गाउँपालिका १ का पद्म प्रसाद पाण्डेय नियुक्त भएका छन्।
राष्ट्रपति पौडेलले सभामुख देवराज घिमिरेको सिफारिसमा संविधानको धारा १०६ को उपधारा (१) बमोजिम पाण्डेयलाई प्रतिनिधि सभाको सचिव पदमा नियुक्त गरेका हुन्।
त्यसैगरी राष्ट्रियसभाको नयाँ सचिवामा अर्घाखाँचीको साविक चिदिका ३ का डा. सुरेन्द्र अर्याल नियुक्त भएका छन्।
उनलाई अध्यक्ष गणेशप्रसाद तिमल्सिनाको सिफारिसमा संविधानको धारा १०६ को उपधारा (१) राष्ट्रिय सभाको सचिव पदमा नियुक्त गरिएको हो। यसअघि राष्ट्रियसभाको सचिवमा राजेन्द्र फुयाँल थिए।
Shares
प्रतिक्रिया