ad ad

राजनीति


जसपाको विधान अधिवेशन आजदेखि, सहभागी हुँदै छन् ७६१ प्रतिनिधि

जसपाको विधान अधिवेशन आजदेखि, सहभागी हुँदै छन् ७६१ प्रतिनिधि

शनिबार बसेको जसपाको केन्द्रीय समितिको बैठक


नेपालखबर
असार १०, २०८० आइतबार ९:२६, काठमाडौँ

जनता समाजवादी पार्टी (जसपा) को विधान अधिवेशन आज सुरु हुँदै छ। अधिवेशन नेपाल प्रज्ञा प्रतिष्ठान कमलादीमा आयोजना हुने सो पार्टीका केन्द्रीय प्रचार विभाग प्रमुख पूर्ण बस्नेतले जानकारी दिए। 

उनका अनुसार उक्त विधान अधिवेशनमा केन्द्रीय समितिका ४ सय ६ सदस्यका साथै प्रदेश समिति, राष्ट्रिय समिति, विषेश प्रदेश समिति, जिल्ला समिति, महानगर, भ्रातृ सङ्गठन तथा केन्द्रीय समितिबाट मानोनित १० जनासहित ७ सय ६१ प्रतिनिधि सहभागी हुनेछन्। 

विधान अधिवेशनको पहिलो दिन पार्टीको विधान मस्यौदा प्रस्तुत हुने सो पार्टीले जनाएको छ। यसैगरी सहभागी प्रतिनिधिलाई १० समूहमा विभाजन गरेर विधानबारे छलफल गरिनेछ भने छलफल सकिएपछि नेताहरूले धारणा राख्ने गरी कार्यतालिका बनाइएको केन्द्रीय प्रचार विभाग प्रमुख बस्नेतले बताए। 

आज सुरु हुने विधान अधिवेशनको अन्तिम तयारी गर्न तथा मस्यौदा विधान अनुमोदनका लागि शनिबार केन्द्रीय समिति बैठक बसेको थियो। बैठकले अनुमोदन गरेको मस्यौदा आज विधान महाधिवेशनमा पेस हुन लागेको जनाइएको छ।

विधान अधिवेशन यसअघि गत चैत २७, २८ र २९ गते गर्ने निर्णय गरिएको भए पनि विभिन्न कारणले सरेको थियो। रासस

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .