नेकपा एकीकृत समाजवादीको केन्द्रीय कमिटीको बैठक आज बस्ने भएको छ। महाधिवेशनबाट निर्वाचित केन्द्रीय समितिको पहिलो बैठक बस्न लागेको हो।
निवर्तमान उपमहासचिव एवं प्रचार विभाग प्रमुख जगन्नाथ खतिवडाका अनुसार बैठक पार्टी केन्द्रीय कार्यालय आलोकनगरमा दिउँसो १ बजे बस्न लागेको हो।
आजको बैठकमा बाँकी पदाधिकारी र केन्द्रीय समिति सदस्य टुंग्याउन छलफल हुन सक्ने तर टुंगिने सम्भावना निकै कम भएको खतिवडाले बताए। ‘आजको बैठकमा त्यसबारे सामान्य छलफल होला,’ उनले नेपालखबरसँग भने, ‘तर टुंगिहाल्ने सम्भावना कम छ। एकसाताभित्र टुंग्याउने कोसिस हुन्छ।'
एकीकृत समाजवादीमा २१ पदाधिकारीसहित २९९ जनाको केन्द्रीय कमिटी हुने विधानमा व्यवस्था छ।
Shares
प्रतिक्रिया