ग्यास लिक भइ आगलागीमा परी घाइते भएका प्रतिनिधि सभा सदस्य चन्द्र भण्डारीको स्वास्थ्यमा उल्लेख्य सुधार भएको छ।
भारतको मुम्बईस्थित नेशनल बर्न्स सेन्टरमा उपचाररत डा. भण्डारीको फिजियोथेरापी जारी रहेको र ड्रेसिङ भइरेहको उनका आफन्तले जानकारी दिएका छन्।
यसका साथै अनुहारको छाला राम्रो हुँदै गएको, अपरेशन गर्न आवश्यक नभएको, स्वास्थ्यमा सुधार भइरहेको र कलमी छालाले राम्रोसँग काम गरिरहेको बताइएको छ।
भण्डारीलाई सामान्य आहार प्रदान गरिएको छ भने सबै स्वास्थ्य प्यारामिटरहरू सामान्य छन्।
संक्रमण नियन्त्रण गर्न अस्पताल प्रशासनले आगन्तुकहरूलाई कडाइका साथ निषेध गरेको छ।
गत फागुन ३ गते राति घरमै ग्यास लिक भइ आगलागी हुँदा भण्डारी घाइते भएका थिए। उनीसँगै जलेकी आमा हरिकलाको अर्को दिन उपचारकै क्रममा काठमाडौंमा निधन भएको थियो।
Shares
प्रतिक्रिया