युनिकोड
विशेष अदालतले कर फर्छ्यौट आयोगको भ्रष्टाचार मुद्दामा हालसम्मकै बढी बिगो र जरिवाना तोकेको छ।
विशेष अदालतका अध्यक्ष श्रीकान्त पौडेल, सदस्यहरु यमुना भट्टराई र शालिग्राम कोइरालाको इजलासले ९ वर्ष कैद र अहिलेसम्मकै बढी बिगो र जरिवाना तोकेको हो।
कर फर्छ्यौट आयोगका अध्यक्ष लुम्बध्वज महतलाई ९ वर्ष १ महिना कैद तोकिएएको छ। आगोगका सदस्य उमेश ढकाल र सदस्य सचिव आन्तरिक राजस्व विभागका तत्कालिन महानिर्देशक चूडामणि शर्मालाई त्योभन्दा एक महिना कम ९ वर्ष कैद सजाय तोकिएको छ।
उनीहरुलाई ६ अर्ब १५ करोड ७० लाख ४६ हजार ४७ रुपैयाँ बिगो कायम गरेको छ। यो मुद्दाका दोषिले २ अर्ब ५ करोड ४६ लाख ९ हजार ९४९ रुपैयाँका दरले बिगो तिर्नुपर्ने छ।
विशेष अदालतका प्रवक्ता दिपेन्द्रनाथ योगीका अनुसार उनीहरुले जनही ४ अर्ब १० करोड ४६ लाख ९७ हजार ९ रुपैयाँ जरिवाना तिर्नुपर्नेछ। बिगो र जरिवाना गरेर हरेकले ६ अर्ब १६ करोड ४० लाख ९६ हजार ८४७ रुपैयाँ तिर्नुपर्नेछ।
विशेष अदालतले उनीहरुलाई यसअघि नै दोषि ठहर गरे पनि सजाय निर्धारण गर्न बाँकी थियो।
प्रतिक्रिया