युनिकोड
सशस्त्र प्रहरीले उदयपुरबाट फेरि ३ सय किलो गाँजा बरामद गरेको छ।
उदयपुर जिल्ला बेलका नगरपालिका–८ सिसौलिघाट स्थित सुरक्षा बेश रामपुरबाट खटिएको गस्ती टोलीले विशेष सूचनाको आधारमा सिसौलिघाटको जंगलमा ७ वटा बोरामा लुकाई छिपाई राखेको अवस्थामा करिब ३ सय किलो प्रतिबन्धित लागुऔषध गाँजा बरामद गरेको हो।
आइतबार बिहान २ सय ८० किलो गांजा बरामद भएको ठाउँ नजिकैबाट साँझ करिब ३ सय किलो गांजा बरामद भएको सशस्त्रले जनाएको छ।
सो ठाउँमा थप गाँजा लुकाएर राखिएको भन्ने सूचना पाएपछि साँझ पनि खोजतलास गरिएको थियो।
बरामद गाँजा आवश्यक कारबाहीका लागि सम्बन्धित निकायमा बुझाउने प्रक्रियामा रहेको सशस्त्रका सहप्रवक्ता डीएसपी शैलेन्द्र थापाले बताए।
प्रतिक्रिया