रौतहटमा एक युवकको शव फेला, सनाखत हुन बाँकी

रौतहटको यमुनामाईमा एक युवकको शव फेला परेको छ। 

यमुनामाई गाउँपालिका- ४ मा रहेको झाझपुल भन्ने ठाउँमा बन्दै गरेको नयाँ पुलको पिलरको रिङभित्र पानीमा डुबेको अवस्थामा युवकको शव फेला परेको हो।  

अन्दाजी २०/२२ वर्षको जस्तो देखिने युवक शवको सनाखत हुन नसकेको जिल्ला प्रहरी कार्यालय रौतहटका डीएसपी दामोदर केसीले जानकारी दिए।  

युवकको शव पोस्ट मार्टमको लागि प्रादेशिक अस्पताल गौरमा राखिएको छ।  

निलो पाइन्ट र आकाशे रंगको सर्ट लगाएका ती युवकको तस्बिर सार्वजकिन गर्दै प्रहरीले आफन्तलाई सम्पर्कको लागि आग्रह गरेको छ। 

युवकको मृत्युको कारण खुलेको छैन। घटनाको सम्बन्धमा थप अनुसन्धान जारी रहेको डीएसपी केसीले बताए।