सिराहामा तीव्र गतिको ट्रकले ठक्कर दिँदा ३० वर्षीय युवक र १३ वर्षका बालकको मृत्यु

सिराहामा ट्रक मोटरसाइकललाई ठक्कर दिँदा एक युवक र एक बालकको मृत्यु भएको छ। 

पूर्वपश्चिम राजमार्गमा पर्ने धनगढी नगरपालिका-८ कसाह चोकमा प्रदेश २-०३-००१ ख ३७८५ नम्बरको ट्रकले स.५ प १९९० नम्बरको मोटरसाइकललाई शनिबार साँझ ठक्कर दिँदा दुई जनाको मृत्यु भएको हो।

जिल्ला प्रहरी कार्यालय सिराहाका अनुसार मृत्यु हुनेमा मोटरसाइकल चालक सोही ठाउँ  ३० वर्षीय राजेश्वर यादव र मोटरसाइकलमा सवार सोही ठाउँ बस्ने श्याम सुन्दर यादवका छोरा १३ वर्षीय लालबाबु यादव रहेका छन्।

तीव्र गतिमा रहेको ट्रकको ठक्करबाट गम्भीर घाइते भएका राजेश्वरको घटनास्थलमै र लालबाबुको आरके मेडिसिटी धनगढीमा उपचारको क्रममा मृत्यु भएको हो।

ट्रक चालकलाई नियन्त्रणमा लिएर दुर्घटनाका सम्बन्धमा थप अनुसन्धान अघि बढाइएको प्रहरीले जनाएको छ।