युनिकोड
विश्व एथलेटिक्स संघले तेस्रोलिङ्गी महिलालाई अन्तर्राष्ट्रिय प्रतियोगितामा महिलाको रुपमा प्रतिस्पर्धा गर्न प्रतिबन्ध लगाएको छ।
विश्व एथलेटिक्सका अध्यक्ष लर्ड कोले ट्रान्सजेन्डर खेलाडीलाई मार्च ३१ देखि महिला विश्व वरीयताका प्रतियोगितामा प्रतिस्पर्धा गर्न अनुमति नदिइने बताए।
अध्यक्ष कोले यो सधैँका लागि नभएको भन्दै यसबारे ट्रान्सजेन्डर योग्यता दिशानिर्देशहरूमा थप अनुसन्धान गर्न कार्य समूह गठन गरिने बताएको बीबीसीले उल्लेख गरेको छ।
यसअघिको नियममा विश्व एथलेटिक्सले ट्रान्सजेन्डर महिलालाई उनीहरूको रगतमा टेस्टोस्टेरोनको मात्रा अधिकतम ५ नानोमोल एल भए घटाउन आवश्यक रहेको र महिला वर्गमा प्रतिस्पर्धा गर्नु अघि १२ महिनासम्म यसको थ्रेसहोल्डमा रहनुपर्ने नियम छ।
अध्यक्ष कोले यो निर्णय महिला वर्गको संरक्षण गर्ने सर्वाेपरि सिद्धान्तद्वारा निर्देशित भएको बताएका छन्। उनले अहिले खेलकुदमा अन्तर्रािष्ट्रयस्तरमा कुनै पनि तेस्रोलिङ्गी खेलाडी नरहेको बताए।
'निर्णयहरू जहिले पनि गाह्रो हुन्छ जब उनीहरूले विभिन्न समूहहरूबीच विवादास्पद आवश्यकताहरू र अधिकारहरू समावेश गर्दछ, तर हामी महिला खेलाडीहरूका लागि अन्य सबै विचारहरू भन्दा माथि निष्पक्षता कायम राख्नुपर्छ भन्ने दृष्टिकोणलाई जारी राख्छौँ', उनले भने।
'हामी यसमा शारीरिक प्रदर्शन र पुरुष लाभको वरिपरि विज्ञानद्वारा निर्देशित हुनेछौँ जुन आगामी वर्षहरूमा अनिवार्य रूपमा विकास हुनेछ', उनले अगाडि भने, 'थप प्रमाणहरू उपलब्ध हुँदा, हामी हाम्रो स्थितिको समीक्षा गर्नेछौँ, तर हामी विश्वास गछौं कि एथलेटिक्समा महिला वर्गको अखण्डता सर्वोपरि छ।
काउन्सिलले ट्रान्सजेन्डर समावेशको मुद्दालाई थप विचार गर्न १२ महिनाको लागि कार्य समूह गठन गर्न सहमत भएको छ।
प्रतिक्रिया