युनिकोड
एनएससी काभा महिला भलिबल च्यालेन्ज कप प्रतियोगिता आज (मंगलबार) काठमाडौंमा सुरु हुँदै छ। पहिलो दिन आयोजक नेपाल किर्गिस्तानसँग भिड्दै छ।
नेपाल र किर्गिस्तानबीचको खेल त्रिपुरेश्वरस्थित राष्ट्रिय खेलकुद परिषद (राखेप) को कभर्डहलमा अपराह्न साढे ४ बजे सुरु हुनेछ। साविक विजेतासमेत रहेको नेपाल प्रतियोगितामा सुखद सुरुवात गर्न चाहन्छ।
च्यालेन्ज कपमा आज चार खेल हुनेछन्। बिहान साढे ९ बजे सुरु हुने पहिलो खेलमा उज्वेकिस्तान र श्रीलंका भिड्दै छन्।
मध्याह्न १२ बजे बंगलादेश र भारत खेल्नेछन्।
आजको अन्तिम खेल मालदिभ्स र काजकिस्तानबीच हुनेछ। यो प्रतिस्पर्धा राति ७ बजे सुरु हुने तालिका छ।
च्यालेन्ज कपमा ८ टोली सहभागी हुनेछन्।
नेपालले जेठ ९ गते बंगलादेशसँग र जेठ १० गते भारतसँग खेल्ने छ।
समूह एमा नेपालसँगै भारत, बंगलादेश र किर्गिस्तान छन्। समूह बीमा उज्वेकिस्तान, श्रीलंका, माल्दिभ्स र काजकिस्तान छन्।
दुई समूहको राउन्ड रोबिन लिगपछि शीर्ष २ टोली सेमिफाइनल पुग्नेछन्। पुछारमा रहेका दुई टोलीले वरीयताका लागि प्रतिस्पर्धा गर्ने छन्।
प्रतिक्रिया