युनिकोड
एनसीसीएस आमन्त्रण भ्याली कप टी–२० क्रिकेट प्रतियोगिताको पुरुषतर्फको उपाधिका लागि सीईसी काठमाडौ र भक्तपुर क्रिकेट सेन्टर भिड्ने भएका छन्।
शुक्रबार भएको सेमिफाइनलमा सीईसी काठमाडौँले सिइसी भक्तपुरलाई ८३ रनले पराजित गर्दै उपाधि नजिक पुगेको हो।
काठमाडौले दिएको १ सय ५६ रनको लक्ष्य पछ्याएको भक्तपुरले १७.४ ओभरमा ८२ रन बनाउँदा अलआउट भयो।
त्यसअघि काठमाडौले निर्धारित २० ओभरमा ३ विकेटको क्षतिमा १ सय ५५ रनको योगफल तयार पारेको थियो। काठमाडौका रित गौतम र सुशान्त थापाले समान ५४ रनको योगदान दिए।
आजै भएको दोस्रो सेमिफाइनलमा ग्रेट हिमालयन क्रिकेट एकेडेमीलाई ४ रनले हराउँदै भक्तपुर क्रिकेट सेन्टर फाइनमा पुगेको हो। भक्तपुरले दिएको १ सय २४ रनको लक्ष्य पछ्याएको ग्रेट हिमालयनले निर्धारित २० ओभरमा ८ विकेटको क्षतिमा १ सय १९ रन मात्र बनाउन सक्यो।
त्यसअघि भक्तपुरले निर्धारित २० ओभरमा ४ विकेटको क्षतिमा १ सय २३ रनको योगफल तयार पारेको थियो।
प्रतियोगितामा महिला पुरुषतर्फको उपाधि भिडन्त भोलि शनिबार हुनेछ। महिलातर्फको उपाधिका लागि काठमाडौँ र ललितपुर भिड्नेछन्।
प्रतिक्रिया