युनिकोड
संयुक्त राज्य अमेरिका र वेस्ट इन्डिजको सहआयोजनामा भइरहेको विश्वकपको चौथो खेलमा दक्षिण अफ्रिकाले विजयी सुरुवात गरेको छ।
ग्रुप डीको पहिलो खेलमा सोमबार राति दक्षिण अफ्रिकाले श्रीलंकाविरुद्ध ६ विकेटको जित निकालेको हो।
अमेरिकी सहर न्युयोर्कमा भएको खेलमा पहिले ब्याटिङ गरेको श्रीलंकाले मात्र ७७ रन बनायो। उसका ३ खेलाडीले मात्र दोहोरो रन बटुल्न सके। कुशल मेन्डिसले १९, कामिन्दु मेन्डिसले ११ र एन्जेलो म्याथ्युजले १६ रन बनाउनेबाहेक अन्यले दोहोरो रन बटुल्न सकेनन्। चार खेलाडी नुवन थुसारा, मथिसा पाथिराना, सादिरा समरविक्रमा र वानिन्दु हसारांगाले १ रन पनि जोड्न नसक्दा श्रीलंका सस्तैमा समेटिन पुग्यो।
दक्षिण अफ्रिकाका एनरिच नर्टजेले ४ ओभरको स्पेलमा ७ रन मात्र खर्चेर ४ विकेट हात पार्दा केशव महाराज र कागिसो रबाडाले समान २, अटनिल वर्तमानले १ विकेट हात पारे।
टी२० विश्वकप : जसले पहिलो इनिङमा सबैभन्दा कम रन बनाए (५ देश)
७८ रनको सामान्य लक्ष्य पछ्याएको दक्षिण अफ्रिकाका लागि क्विन्टन डी ककले २०, हेनरिच क्लासेनले नटआउट १९, ट्रिस्टन स्टब्सले १३, एइडेन मर्क्रामले १२, डेभिड मिलरले ६ र रिजा हेन्ड्रिकले ४ रन बटुले। अतिरिक्त ६ रन उपहार पाएको दक्षिण अफ्रिकाले अन्ततः १६.२ ओभरमा ४ विकेट क्षतिमा ८० रन बनाउँदै महत्त्वपूर्ण २ अंक बटुल्यो।
बलिङतर्फ श्रीलंकाका वानिन्दु हसारंगाले २ र नुवान थुसारा तथा दासुन शानाकाले समान १ विकेट लिए।
प्रतिक्रिया