युनिकोड
भारतका पूर्वक्रिकेटर वासिम जफरले टी–२० विश्वकप क्रिकेटअन्तर्गत सुपर ८ को खेलमा अस्ट्रेलियालाई जितेकामा अफगानिस्तानलाई बधाई दिएका छन्।
उनले सोसल मिडिया प्लेटफर्म एक्समा लेखेका छन्, ‘यस जितलाई अचम्म भन्नु अफगानिस्तानको टोलीको अपमान हुनेछ। अफगानिस्तान कुनै पनि टोलीलाई हराउन सक्षम छ।’
उनले अगाडि भनेका छन्, ‘उनीहरू (अफगानी क्रिकेटर) ले आज आफ्नो क्षमताअनुसार खेले र अस्ट्रेलियाजस्तो राम्रो टोलीलाई हराए। यो सत्य हो र यो जितको उत्सव मनाउनुपर्छ।’
आइतबार बिहान भएको सुपर ८ को आठौँ खेलमा अफगानिस्तानले अस्ट्रेलियालाई २१ रनले हराएको हो।
अस्ट्रेलिया पहिलोपटक अफगानिस्तानसँग हारेको हो। यो ऐतिहासिक जितपछि अफगानिस्तान क्रिकेट टिमको प्रशंसा भइरहेको छ।
प्रतिक्रिया