नवीन सुब्बा निर्देशित फिल्म ‘गाउँ आएको बाटो’ को प्रदर्शन मिति तोकिएको छ।
यो फिल्म आगामी जेठ १८ गते रिलिज हुनेछ।
दयाहाङ राई र पशुपति राईको मुख्य भूमिका रहेको फिल्मको प्रिमियर टोरन्टो फिल्म फेस्टिभलमा गरिएको थियो।
अन्तर्राष्ट्रिय फेस्टिभलमा ‘अ रोड टु भिलेज’ नामबाट फन्को लगाएपछि यो फिल्म नेपालमा रिलिज हुन लागेको हो।
सुब्बासहित अमोद राईको लगानी रहेको फिल्मको छायांकन भोजपुर, सुनसरी र संखुवासभामा भएको थियो। फिल्ममा दयाहाङ र पशुपतिका साथै प्रसन राई, केशव राई, सुमित्रा राई, प्रेम सुब्बा, राज थापाको अभिनय छ।
सुब्बा र महेश राईको पटकथा रहेको फिल्मले गाउँमा सडक आएपछि बाबुछोराको सम्बन्धमा आउने उतारचढावको कथा समेटेको छ।
यो फिल्म राई जातिको सामाजिक पृष्ठभूमिमा आधारित छ।
87
Shares
प्रतिक्रिया