चितवन २ मा मतगणना थालिँदै, बाहिर कार्यकर्ताको भिड (तस्बिरहरू)

चितवन क्षेत्र नम्बर २ को मतगणना केही बेरबाट सुरु हुँदैछ। दिउँसो १ बजेदेखि गर्ने सर्वदलीय सहमति भए पनि आधा घण्टा ढिलो भएको छ।

जिल्ला निर्वाचन अधिकारी भीमसेन कार्कीका अनुसार दिउँसो १ बजेबाट मतगणना सुरु गर्ने सहमति भएको थियो।

तर प्राविधिक विषय मिलाउँदा केही ढिला हुन गएको हो। गणना हुने भएसँगै सयौँ समर्थक, शुभेच्छुक र दलका कार्यकर्ताको मतगणनास्थलमा भीड लागेको छ।

यसअघि नेपाली कांग्रेसले प्रमुख जिल्ला अधिकारी सुरेन्द्र पौडेलकै संरक्षणमा राष्ट्रिय स्वतन्त्र पार्टीका उम्मेदवारले आचारसंहिता उल्लङ्घन गरेको आरोप लगाएका थिए।