राष्ट्रिय सभाका अध्यक्ष गणेशप्रसाद तिमिल्सिना र बेल्जियमको सिनेटका सभामुख स्टेपिेटmन डि होसकाबीच भेटवार्ता भएको छ।
अन्तर ब्यवस्थापिका संघ (आइपीयू)को १४७ औं महासभाका क्रममा एङ्गोलाको राजधानी लुवाण्डामा बिहीबार भेटवार्ता भएको हो।
भेटवार्ताका क्रममा अध्यक्ष तिमिल्सिनाले नेपाल र बेल्जियम बिचको आपसी सम्बन्ध सद्भाव, विश्वास र पारस्परिक सम्मानले चिनिएको बताउँदै दुवै मुलुकले अन्तराट्रिय मञ्चहरुमा साझा धारणा राख्दै आएको स्मरण गरे।
उनले विभिन्न अन्तराष्ट्रिय मञ्चहरुमा एक अर्का देशलाई समर्थन गर्दै आएको कुरामा जोड दिँदै बेल्जियमले नेपालको बिकास प्रयासमा विभिन्न दातृ निकाय मार्फत पु¥याएको योगदानका लागि धन्यवाद दिए।
नेपाल र बेल्जियम बिचको सम्बन्ध प्रगाढ बनाउन दुई देशका संसदहरूको महत्वपूर्ण भूमिका रहेको बताए। ‘नेपाल र बेल्जियम बिचको सम्बन्ध प्रगाढ बढाउन दुई देशका संसदहरुको महत्वपूर्ण भूमिका रहेको छ’, अध्यक्ष तिमिल्सिनाले भने, ‘संसदीय अनुभवको आपसी आदनप्रदान मार्फत संसदीय लोकतन्त्रलाई परिस्कृत गर्दै आफना नागरिकहरुको हक अधिकार सुनिश्चित गर्ने प्रकृयालाई सवल बनाउने अवसर हाम्रो सामु रहेको छ।’
उनले नेपालमा हिमाल आरोहण र पदयात्रा पर्यटनमा बेल्जियमका नागरिकका बिचमा लोकप्रिय भएकाले उल्लेख्य संख्यामा पर्यटकहरुलाई नेपाल आउने वातावरण बनाउँन सक्दा त्यसबाट नेपालको आर्थिक र सामाजिक क्षेत्रमा ठुलो सहयोग पुग्ने विश्वास व्यक्त गरे।
भेटवार्ताका क्रममा बेल्जियमकी सभामुख स्टेफिन डि होर्सले नेपाल र बेल्जियमका बिचमा धेरै समनताहरु रहेको बताउँदै जलवायु परिर्वतनको असर कम गर्न र मानवअधिकारको प्रर्बद्धन गर्न सहकार्य गर्न सकिने कुरामा जोड दिए।
कोभिडका समयमा नेपालमा सहयोग गरेको स्मरण गर्दै जलवायु परिर्वतनबाट हुने प्राकृतिक विपत्तिका घटना कम गर्न आगामी दिनमा सहयोग गर्दै जाने प्रतिवद्धता पनि जनाए।
Shares
प्रतिक्रिया