सशस्त्र प्रहरीले सर्लाहीमा १४० किलो अवैध गाँजासहित ट्रक नियन्त्रणमा लिएको छ।
पानीको कार्टुनभित्र लुकाइ छिपाइ भारत निर्यात गर्न लागिएको उक्त परिमाणको गाँजा बरामद गरिएको एपीएफले जनाएको छ।
विशेष सूचनाका आधारमा बीओपी मलंगवाबाट खटिएको टोलीले मलंगवा नगरपालिका–११ पेट्रोल पम्पमा बेवारिसे अवस्थामा राखिएको बागमती प्रदेश ३०१–००६ ख १७०४ नं को ट्रकमा सो गाँजा बरामद गरेको हो।
८० कार्टुन पानीभित्र १४ वटा पोका बनाएर सो गाँजा राखिएको थियो।
बरामद गाँजा र ट्रक आवश्यक कारबाहीका लागि सशस्त्रले नेपाल प्रहरीलाई बुझाएको छ।
18
Shares
प्रतिक्रिया