पछिल्लो २४ घण्टामा सबैभन्दा धेरै वर्षा पोखरामा भएको छ।
पोखरापछि धेरै वर्षा ओखलढुंगामा भएको मौसम पूर्वानुमान महाशाखाले जनाएको छ।
यस अवधिमा पोखरामा २६ मिलिमिटर र ओखलढुंगामा १३.३ मिलिमिटर वर्षा भएको हो।
त्यसैगरी ताप्लेजुङमा ५.४, काठमाडौँमा २, सिमरा, विराटनगर, धनकुटा लगायतका ठाउँमा छिटपुट वर्षा भएको मौसम पूर्वानुमान महाशाखाले जनाएको छ।
आज पनि देशभरको मौसम बदली छ। अहिले पनि काठमाडौँ उपत्यकासहित देशका धेरै ठाउँमा वर्षा भइरहेको महाशाखाले जनाएको छ।
मौसम पूर्वानुमान महाशाखाका मौसमविद् गोविन्द झाका अनुसार आज काठमाडौँ उपत्यकामा पानी पर्ने र रोकिने क्रम दिनभरी नै जारी रहने छ। ‘ठूलो वर्षा होइन, हल्का वर्षा भई नै रहने देखिन्छ,’ उनले भने।
नेपालमा पश्चिमी वायु तथा स्थानीय वायुको प्रभावको कारण मौसम बदली र वर्षा भएको हो।
Shares
प्रतिक्रिया