मौसम बदली र वर्षा, राति कस्तो छ सम्भावना?

हाल (शुक्रबार साँझ) देशभर मौसम आंशिकदेखि साधारणतया बदली (आकाशमा बादल) छ भने बागमती, गण्डकी, लुम्बिनी र सुदूरपश्चिम प्रदेशका केही तथा बाँकी प्रदेशका एक/दुई स्थानमा हल्कादेखि मध्यमसम्म वर्षा भइरहेको मौसम पूर्वानुमान महाशाखाले जनाएको छ। 

महाशाखाका अनुसार राति पनि देशभर मौसम आंशिकदेखि साधारणतया बदली रहने छ।

अनि बागमती, गण्डकी, कर्णाली र सुदूरपश्चिम प्रदेशका केही तथा बाँकी प्रदेशका थोरै स्थानमा मेघगर्जन/चट्याङसहित हल्कादेखि मध्यमसम्म वर्षा हुने सम्भावना छ। 

यस क्रममा राति बागमती प्रदेशका एक/दुई स्थानमा भारी वर्षाको पनि सम्भावना देखिएको मौसम महााशखाले जनाएको छ। 

महाशाखाका अनुसार अहिले देशभर मनसुनी वायुको प्रभाव छ। मनसुनको न्यूनचापीय रेखा सरदर स्थानआसपास छ। सोही कारण मौसम बदली र वर्षा भइरहेको हो।