ट्रकले ठक्कर दिँदा साइकलयात्रीको मृत्यु

सुनसरीको इटहरी उपमहानगरपलिका–६ स्थित पूर्व–पश्चिम राजमार्गमा ट्रकको ठक्करबाट साइकलयात्रीको मृत्यु भएको छ। 

इटहरीबाट विराटनगरतर्फ जाँदै गरेको प्रदेश नं १–०२–००१ ख ९२९४ नम्बरको ट्रकले ठक्कर दिँदा भोजपुरको षडानन्द नगरपालिका–१४ का ४२ वर्षीय रामचन्द्र श्रेष्ठको मृत्यु भएको जिल्ला प्रहरी कार्यालय सुनसरीले जनाएको छ। 

उनी इटहरी–४ स्थित दिदीको घरमा बस्दै आएका थिए। 

दुर्घटनापछि ट्रक चालक धरान–१३ का ४५ वर्षीय गोविन्दबहादुर तामाङलाई प्रहरीले नियन्त्रणमा लिएको छ। घटनाबारे अनुसन्धान भइरहेको प्रहरीले जनाएको छ। रासस