रुपन्देहीमा मोटरसाइकल दुर्घटना हुँदा २५ वर्षीय युवकको मृत्यु

रुपन्देहीको शुद्धोधनमा मोटरसाइकल दुर्घटना हुँदा एक युवकको मृत्यु भएको छ।

आज बिहान शुद्धोधन गाउँपालिका-३ दोगानामा लु.३२ प १००९ नम्बरको मोटरसाइकल दुर्घटना हुँदा सोही ठाउँका २५ वर्षीय प्रलाद थाररुको मृत्यु भएको जिल्ला प्रहरी कार्यालय रुपन्देहीले जनाएको छ।

दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो। तीव्र गतिको मोटरसाइकल आफैँ अनियन्त्रित भएर पल्टिएको प्रहरीले जनाएको छ।