युनिकोड
केपी ओली कपसँगै विभिन्न ११ वटा मोफसलका प्रतियोगिता आयोजनाका लागि अखिल नेपाल फुटबल संघ (एन्फा) ले समय दिएको छ।
एन्फाले लिगका लागि एकै समयमा ८ प्रतियोगिताको मिति समेत दिएको छ। एन्फाले उपलब्ध गराएको मिति अनुसार राजर्षि जनक गोल्डकप सर्लाही र मेयर कप फुटबल प्रतियोगिता महोत्तरी माघ २६ देखि फागुन ६ गतेसम्म एकै समयमा हुनेछन्।
मकवानपुर गोल्डकप माघ २९ देखि फागुन ९ गतेसम्म हुनेछ। भद्रपुर गोल्डकप झापा र तिलोत्तमा गोल्डकप रुपन्देहीलाई फागुन ७ देखि १६ गतेसम्मका लागि प्रतियोगिता गर्न स्वीकृति दिएको छ।
काठमाडौमा हुने केपी ओली कप फागुन ११ देखि १७ गतेसम्म हुनेछ। बुढासुब्बा गोल्डकप प्रतियोगिता सुनसरीमा फागुन १३ देखि २० गतेसम्म हुनेछ।
माइभ्याली गोल्डकप इलाम र इटहरी गोल्डकप सुनसरीमा चैत ४ गतेदेखि ११ गतेसम्म हुनेछ।
मोरङमा हुने विराट गोल्डकप र बारामा हुने सिमरा गोल्डकप चैत्र ९ देखि १८ गतेसम्म एकै मितिमा आयोजान हुनेछ।
मोफसलका लागि एन्फाले दिएको समय अनुसार एउटै मितिमा ८ प्रतियोगिता हुनेछन्।
प्रतिक्रिया