युनिकोड
म्यानचेस्टर सिटीबाट लोनमा बायर्न पुगेका जोआओ क्यान्सेलेले डेब्यु खेलमै आफ्नो प्रभाव देखाएका छन्।
बुधबार राति भएको खेलमा मेन्जलाई ४–० गोल अन्तरले पाखा लगाउँदै बायर्न म्युनिख जर्मन कपको क्वार्टरफाइनलमा पुगेको छ।
मंगलबार मात्रै सिटीबाट लोनमा बायर्न पुगेका फुलब्याक जोआओले खेलको १७औँ मिनेटमा दिएको पासमा चौपो मोटिङले गोल गरे। ३०औँ मिनेटमा जमल मुसियालाले गोल गर्दै बायर्नको अग्रता दोब्बर पारे। लेरोय सानेले ४४औँ मिनेटमा गोल गर्दै बायर्नलाई ३–० को अग्रता दिलाए।
खेलको ८३ औँ मिनेटमा अल्फोन्सो डेभिसले गोल गर्दै बायर्नलाई फराकिलो जित दिलाएका हुन्।
खेलको ८५औँ मिनेटा मेन्ज १० खेलाडीमा समेटिएको थियो। मेन्जका अलेक्ज्यान्डर ह्याक रातो कार्ड खाँदै मैदान छाडेका थिए।
प्रतिक्रिया