युनिकोड
मिचेल भान लिंगेनको शतक मद्दतमा आइसीसी विश्वकप लिग २ त्रिकोणात्मक सिरिज अन्तर्गत घरेलु टोलीविरुद्ध नामिबिया हावी बनेको छ।
कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि ब्याटिङ गरेको नामिबियाले ४० दशमलव ४ ओभरको समाप्तीमा ४ विकेटको क्षतिमा १ सय ९२ रन बनाएर खेलिरहेको छ।
तेस्रो विकेटका लागि मिचेल चान लिन्गेन र कप्तान जिहार्ड इरास्मस १ सय २४ रनको साझेदारी गरेपछि नेपाल दबाबमा आएको हो।
मिचेलले १ सय १८ बलमा ६ चौका र ४ चौका मद्धतमा शतक प्रहार हाने। उनले आफ्नो करियरको तेस्रो शतक हानेका हुन्।
कप्तान इरास्मस ५६ रनमा पवेलियन फर्के। ७० बलको सामना गरेका उनले २ चौका र ३ छक्का हाने। कप्तन कुशल मल्लको बलमा सन्दीप लामिछानेले क्याच गर्दै यी दुईको साझेदारी तोडेका थिए।
लो–हान्ड्रे लोरेन्स ५ रन बनाउँदा सोमपाल कामीको बलमा बोल्ड आउट भए। कार्ल ब्रिकेनस्टोक १३ रनमा सन्दीप लामिछानेको बलमा बोल्ड भए। जान निकोन ८ रनमा आउट भए।
नेपालका सोमपाल कामी, सन्दीप लामिछाने, कुशल मल्ल र करण केसीले एक–एक विकेट लिए।
प्रतिक्रिया