युनिकोड
तीन देश सम्मिलित एक दिवसीय सिरिजको पहिलो खेलमा नेपालले बलिङ र ब्याटिङ दुवैतर्फ कुशल प्रदर्शन गरेको छ।
नामिबियाले दिएको २८६ रनको चुनौती पछ्याउने क्रममा ओपनर आशिफ शेख शून्य र तेस्रो क्रममा ज्ञानेन्द्र मल्ल २५ रन बनाउँदा आउट भएपछि दबाबमा परेको नेपाललाई कुशल भुर्तेल र रोहित पौडेलले उकासेका छन्।
ताजा अवस्थामा ३२ ओभर खेलिसकेको नेपालले २ विकेटको क्षतिमा १८१ रन बनाइसकेको छ।
नेपालको इनिङ उकास्ने क्रममा ओपनर कुशल भुर्तेलले ८२ बलमा ७७ रन बनाइसकेका छन्। उनले त्यसक्रममा ९ चौका र ३ छक्का हानिसकेका छन्।
उता चौथो क्रममा कप्तान रोहित पौडेलले ७५ बलमा ७२ रन हानिसकेका छन्। यी दुईको सतकीय साझेदारीले नेपालले विस्तारै खेल आफ्नो पक्षमा पारिरहेको छ।
प्रतिक्रिया