युनिकोड
एसिया रग्वी यु-२० सेभेन्स महिला तथा पुरुष प्रतियोगिता आगामी भदौ पहिलो साता हुने भएको छ।
नेपाल रग्वी संघले बुधबार काठमाडौंमा पत्रकार सम्मेलन गर्दै प्रतियोगिता आगामी भदौ २ र ३ गते हुने जानकारी दिएको हो।
प्रतियोगिता एसिया रग्वीको आयोजना तथा नेपाल रग्बी संघको व्यवस्थापनमा काठमाडौंको त्रिपुरेश्वरस्थित दशरथ रंगशालामा हुनेछ।
एसियन यु-२० रग्वी सेभेन्स प्रतियोगितामा नेपाल, भारत, थाईल्यान्ड, मलेसिया, चाइनिज ताइपेई, हङकङ, उज्वेकिस्तान सहभागी हुनेछन्।
प्रतियोगितामा पुरुषतर्फ ७ र महिलातर्फ ३ देश सहभागी हुनेछन्।
महिलातर्फ आयोजक नेपालसहित थाइल्याण्ड र मलेसियाले स्पर्धा गर्नेछन्।
प्रतियोगिता सम्पन्न गर्न ७२ लाख रुपैयाँ खर्च लाग्ने अनुमान गरिएको नेपाल रग्वी महासंघका महासचिव गोविन्द घिमिरेले बताए।
प्रतिक्रिया