युनिकोड
सुदूरपश्चिम प्रदेशमा आज सभामुख चयनका लागि निर्वाचन हुँदै छ। दिउँसो १ बजे सभामुखको निर्वाचन हुने प्रदेश सभा सचिवालयले जनाएको छ।
सुदूरपश्चिमको सभामुखका लागि कांग्रेसका मानबहादुर रावल र माओवादी केन्द्रका भीम भण्डारीले मनोनय दर्ता गराएका छन्।
सभामुखको निर्वाचन तालिका अनुसार बुधबार मनोनयन दर्ता, दाबी विरोध र उम्मेदवारी फिर्ताको समय रहेको थियो। मनोनय दर्ता गराएका रावल र भण्डारीमध्ये कसैले मनोनयन फिर्ता नलिएपछि बिहीबार निर्वाचन प्रक्रियाबाट सभामुख चयन गर्ने कार्यतालिका रहेको छ।
माओवादी केन्द्रका भण्डारीलाई माओवादी सहित एमाले, नागरिक उन्मुक्ति र राप्रपाको साथ रहेको छ। कांग्रेसका रावललाई कांग्रेस सहित नेकपा एकीकृत समाजवादीको साथ छ । यहाँ एक स्वतन्त्र उम्मेदवार छन् । उनले कता मत दिने भन्ने बारे अझै निर्णय गरिसकेका छैनन्।
सुदूरपश्चिममा नेकपा एमाले संसदीय दलका नेता राजेन्द्रसिंह रावल बुधबार मुख्यमन्त्रीमा नियुक्त भइसकेका छन्। सत्तारुढ गठबन्धनको साथ रहेकाले माओवादीका भण्डारी सभामुखमा निर्वाचित हुने निश्चित छ।
सत्तारुढ गठबन्धनमा सुदूरपश्चिम प्रदेशको नेतृत्व आलोपालो गर्ने सहमति भएको थियो। जसअनुसार पहिलो चरणमा प्रदेश सरकारको नेतत्व एमालेले पाएको हो।
सत्तारुढ गठबन्धनको भागबण्डा अनुसार सुदूरपश्चिम प्रदेशको सभामुख माओवादी केन्द्रको भागमा परेको छ।
५३ जना प्रदेश सभा सदस्य रहेको सुदूरपश्चिम प्रदेशमा कांग्रेसका १९, माओवादी केन्द्रका ११, एमालेका १०, नागरिक उन्मुक्ति पार्टीका ७, नेकपा एकीकृत समाजवादीका ४, राप्रपाका १ र स्वतन्त्र १ सांसद छन्।
प्रतिक्रिया