युनिकोड
नेपाली कांग्रेस सुदूरपश्चिम प्रदेश संसदीय दलको बैठक जारी छ। संसदीय दलका नेता कमल बहादुर शाहको अध्यक्षतामा धनगढीमा चलिरहेको बैठकमा कांग्रेसका ६ सांसद अनुउपस्थित छन्।
संसदीय दलका प्रमुख सचेतक विक्रम धामी, बहादुर सिंह थापा, दिवान सिंह विष्ट, पदमबहादुर शाही र पूर्वमन्त्रीद्वय शिवराज भट्ट, प्रकाश देउवा बैठकमा सहभागी छैनन्।
उनीहरुमध्ये थापा, विष्ट र देउवा मुख्यमन्त्रीका आकांक्षी पनि हुन्।
संसदीय दलको बैठकमा सहभागी नभएकामध्ये कतिपय नेता अहिले पनि संघीय राजधानी काठमाडौँमै रहेका छन्।
बैठकमा अनुउपस्थित सांसद पदम बहादुर शाहीका अनुसार आफूसहित दिवान सिंह विष्ट र शिवराज भट्ट भर्खरै धनगढी विमानस्थल पुगेका छन्।
शुक्रबार दिउँसो ४ बजे प्रदेश सभा बैठकमा सुदूरपश्चिमका मुख्यमन्त्री दीर्घबहादुर सोडारीले विश्वासको मत लिने कार्यसूची छ।
प्रदेश सभामा रहेका १८ सांसदमध्ये १२ जना मात्रै उपस्थित छन्।
प्रतिक्रिया