कति खनियो सिद्धबाबा सुरुङ?

सिद्धबाबा सुरुङ परियोजनाले दुवैतर्फबाट सुरुङ खन्ने कामलाई तीव्रता दिइरहेको छ। 

११ सय २६ मिटर लम्बाइमध्ये बुधबारसम्म ३४८ मिटर सुरुङ खनिएको परियोजनाले जनाएको छ। 

परियोजनाअनुसार उत्तरबाट १५८.३५ मिटर र दक्षिणबाट १९०.४४ मिटर सुरुङ सम्पन्न भएको छ। 

यसबाहेक ३ बाइपासमध्ये पहिलोको ८१.४ मिटर, दोस्रोको ८२.५ मिटर र तेस्रोको ७७.५ मिटर सम्पन्न भएको छ। तीनवटै बाइपास क्रमशः १५१, १६१ र १३० मिटर लम्बाइका छन्। 

टनेल लाइनिङका काम भने सुरु नै हुनसकेका छैनन्। स्लोप प्रोटेक्सनका काम भने धमाधम भइरहेको परियोजनाले जनाएको छ। 

परियोजनाको भौतिक प्रगति १६.४० प्रतिशत र वित्तीय प्रगति २३.८ प्रतिशत छ।