युनिकोड
पृथ्वी राजमार्गअन्तर्गत धादिङको गल्छीमा शुक्रबार बिहान भएको भारतीय यात्रुवाहक बस दुर्घटनामा एकजनाको मृत्यु भएको छ।
जिल्ला प्रहरी कार्यालय धादिङका प्रहरी प्रमुख डीएसपी गौतम मिश्रका अनुसार दुर्घटनामा भारतको राजस्थान २ की १२ वर्षीया कल्पना पारिखको मृत्यु भएको हो।
एआर ०६ ई ७०३१ भारतीय नम्बरको बस सडकमै पल्टिएको हो। दुर्घटनामा १९ जना घाइते भएका छन्।
उनीहरुको गल्छीमै रहेको भरोसा हस्पिटलमा उपचार भइरहेको डीएसपी मिश्रले जानकारी दिए। घाइतेको अवस्था सामान्य रहेको बताइएको छ।
बस सडकमै पल्टिएका कारण राजमार्ग केहीबेर बन्द भएको थियो। क्रेनको सहायताले दुर्घटनाग्रस्त बस साइड लगाएपछि हाल एकतर्फी रुपमा सडक खुलेको डीएसपी मिश्रले नेपालखबरलाई जानकारी दिए।
प्रतिक्रिया