युनिकोड
यस वर्षको भौतिकतर्फको नोबेल पुरस्कार कृत्रिम बौद्धिकता (एआई)सम्बन्धी आविष्कारका लागि दुई भौतिकशास्त्रीले पाएका छन्।
जोन होपफिल्ड र जियोफ्रे हिन्टनले गरेको आर्टिफिसियल न्युरल नेटवर्कमार्फत मेसिन लर्निङको आधारभूत आविष्कारले उक्त पुरस्कार जितेको हो।
‘यद्यपि कम्प्युटरले सोच्न सक्दैन, तर मेसिनले सम्झिने र सिक्नेजस्ता नक्कल गर्न सक्छन्। यो वर्षको भौतिकतर्फको नोबेल पुरस्कार जितेका दुईले यसलाई सम्भव बनाएको छ’, नोबेल कमिटीले एक वक्तव्यमा भनेको छ।
सोमबार स्विडेनमा पुरस्कारको घोषणा गरिएको हो। यो पुरस्कारअन्तर्गत १ करोड १० लाख स्विडिस क्रोनर (१० लाख अमेरिकी डलर) नगद रहेको छ।
हिजोआजकाक धेरै प्रोडक्टहरुमा उनीहरुले आविष्कार गरेको मेसिन लर्निङको पावर रहेको छ। होपफिल्ड प्रिन्स्टन युनिभर्सिटी र हिन्टन युनिभर्सिटी अफ टोरन्टोका रहेका छन्।
कमिटीका अनुसार भौतिक विज्ञानमार्फत आधारभूत अवधारणा र तरिका प्रयोग गरी उनीहरुले सूचना प्रक्रियामा प्रयोग हुने संरचनाको प्रविधि विकास गरेका थिए। यसले पछिल्ला दुई दशकमा मेसिन लर्निङको व्यापक विकासमा योगदान पुगेको कमिटीले जनाएको छ।
प्रतिक्रिया