बंगलादेशमा बस पोखरीमा खस्दा १७ जनाको मृत्यु

दक्षिणपश्चिम बंगलादेशमा शनिबार बस सडक छेउको ठूलो पोखरीमा खस्दा १७ जनाको मृत्यु भएको छ। 

भारतीय पत्रिका अमरउजालाका अनुसार दुर्घटनामा दर्जनभन्दा बढी यात्रु घाइते भएका छन्।

६५ यात्रु यात्रु बोकेको बस भंडारिया उपजिल्लाबाट दक्षिणपश्चिम डिभिजन सदरमुकाम बरिशाल जाँदै गर्दा झलकाठीमा दुर्घटना भएको प्रहरीले जनाएको छ। चालकले गाडीको नियन्त्रण गुमाएपछि बस पोखरीमा खसेको हो।  

एक प्रहरी अधिकारीले गोताखोरहरूले १७ शव निकालेको पत्रकारलाई बताएका छन्। बसभित्र थप शव फसेको आशंका गरिएको छ।