इजरायलका प्रधानमन्त्री बेन्जामिन नेतन्याहुले गाजामा इजरायली सेनाको भूमिगत कारबाहीको तयारीको बीचमा सोशल मिडिया साइट एक्स (पहिलेको नाम ट्विटर) मा नयाँ भिडिओ सार्वजनिक गरेका छन्।
भिडिओमा उनी इजरायली सैनिकसँग भेटघाट र कुराकानी गरिरहेको देखिन्छ।
भिडिओसँगै उनले लेखेका छन्, ‘गाजाको अग्रपंक्तिमा सैनिकहरूसँग। हामी सबै तयार छौँ।’
प्रधानमन्त्रीको कार्यालयबाट जारी विज्ञप्तिअनुसार नेतान्याहुले गाजा पट्टी बाहिर इजरायली सेनालाई भने, ‘तपाईं अर्को चरणका लागि तयार हुनुहुन्छ? अर्को चरण आउँदै छ।’
भिडिओ–
עם הלוחמים שלנו בעוטף עזה, בקו החזית. כולנו מוכנים.
— Benjamin Netanyahu - בנימין נתניהו (@netanyahu) October 14, 2023
(צילום: אבי אוחיון, לע״מ) pic.twitter.com/TiGzHcWhPK
एक हप्ताभन्दा बढी समयदेखि हमास र इजरायलबीच युद्ध जारी छ। इजरायलको हवाई बमबारीमा हालसम्म २२ सयभन्दा बढी प्यालेस्टाइनीको मृत्यु भइसकेको छ भने झन्डै आठ हजार घाइते भएका छन्।
यस्तै हमासको आक्रमणबाट इजरायलमा हालसम्म १३०० जनाको ज्यान गएको बीबीसीले उल्लेख गरेको छ।
Shares
प्रतिक्रिया