युनिकोड
शनिबारको निर्वाचनमा पराजित भएसँगै रनिल विक्रमासिंगेलाई राष्ट्रपति बन्ने प्रयासमा तेस्रो असफलता हात लागेको छ।
यसअघि १९९९ र २००५ मा पनि उनी राष्ट्रपति पदमा उम्मेदवार बनेका थिए।
उसो त उनी ६ पटक प्रधानमन्त्री भइसकेका छन्। तर, उनले कहिल्यै कार्यकाल भने पूरा गर्न पाएनन्।
त्यसका अलावा २०२२ को विद्रोहका क्रममा राष्ट्रपति गोताबाय राजापाक्षे भागेपछि संसदले उनलाई बाँकी कार्यकालका लागि राष्ट्रपति बनाएको थियो।
तर, चुनाव जितेर राष्ट्रपति बन्ने धोको भने यसपटक पनि पूरा भएन। उनी तेस्रो स्थानमा खुम्चिए।
उनले १७.२५ अर्थात् झण्डै २३ लाख मत पाए।
चौथो स्थान भने नमाल राजापाक्षेले ओगटेका छन्। उनी महिन्दा राजापाक्षेका छोरा हुन्।
३८ वर्षीय नमालले २.५ प्रतिशत मत ल्याएका छन्। एजेन्सी
यो पनि :
प्रतिक्रिया