युद्धविरामको दोस्रो दिन हमास र इजरायलबीच पुनः बन्दी साटासाट हुने भएको छ। हमासले १४ बन्धक छाड्दा इजरायलले ४२ जनालाई छाड्ने बताइएको छ।
४८ दिनको बन्धनबाट शुक्रबार १३ इजरायली र १० थाई र एक फिलिपिनी नागरिक छुटेका थिए। इजरायलले ३९ प्यालेस्टाइनी छाडेको थियो।
दुवै पक्षबाट छुटेकाहरुमा अशक्त, महिला र बालबालिका छन्।
एक इजरायली बराबर तीन प्यालेस्टाइनी छोड्नेगरी युद्धविरामको सर्त तय गरिएको बताइएको छ।
शनिबार पनि सोही प्रक्रियाअनुसार पहिले इन्धन, खाद्यान्न र औषधिसहितको राहत सामग्री गाजा पठाइनेछ, हमासले बन्धक छाड्नेछ र इजरायलले कैदी मुक्त गर्नेछ।
इजरायलको आक्रमणबाट गाजामा १४ हजार ५ सयको ज्यान गइसकेको छ। एजेन्सी
30
Shares
प्रतिक्रिया