युनिकोड
गाजामा इजरायलले गरेको आक्रमणको विरोधमा प्रदर्शन गरेको आरोपमा अमेरिकी विश्वविद्यालयका क्याम्पसमा सयौँ विद्यार्थी पक्राउ परेका छन्।
देशका धेरै विश्वविद्यालयमा विद्यार्थीहरू कक्षा कोठाबाट बाहिर निस्केर गाजामा इजरायलको सैन्य कारबाहीको विरोध गरिरहेका छन्। उनीहरू विभिन्न ठाउँमा धर्नामा पनि बसेका छन्।
अमेरिकामा बीबीसीको सम्बद्ध समाचार च्यानल ‘सीबीएस’ले बोस्टन प्रहरीलाई उद्धृत गर्दै इमर्सन कलेजमा गएरातिदेखि १०८ जना विद्यार्थीलाई पक्राउ गरिएको जनाएको छ। यसअघि लस एन्जलसको युनिभर्सिटी अफ सदर्न क्यालिफोर्नियामा ९३ जनालाई पक्राउ गरिएको थियो।
टेक्सासको अस्टिन नजिक पनि प्रहरी र प्रदर्शनकारीबीच झडप भएको थियो। यस अवधिमा ३४ जना पक्राउ परेका छन्। गाजामा इजरायली कारबाहीको विरोध गरिरहेका मानिसहरूलाई कोलम्बिया, येल र न्युयोर्क विश्वविद्यालयमा पनि पक्राउ गरिएको थियो। इजरायलका प्रधानमन्त्री बेन्जामिन नेतान्याहुले यी विरोध प्रदर्शनप्रति असन्तुष्टि व्यक्त गरेका छन्।
प्रतिक्रिया