धनुषाको कमला नगरपालिकामा दुई पक्षबीच झडप हुँदा दुईजना गम्भीर घाइते भएका छन्।
कमला नगरपालिका वडा नम्बर–२ माची झिट्कैयामा दुई पक्षबीच झडप भएको हो। झडपमा एक पक्षले अर्को पक्षमाथि बाँसको फट्टा र बियरको बोतल प्रहार गर्दा दुईजना गम्भीर घाइते भएका हुन्।
घाइते हुनेहरुमा स्थानीय २४ वर्षीय निकेश यादव र सोही ठाउँ बस्ने ५० वर्षीय हिरा यादव रहेका छन्।
पुरानो रिसइबिको कारण होली पर्वको मौका छोपेर कमला नगरपालिका–२ का पूर्ववडाध्यक्ष धनेश्वर यादव, उनका २० वर्षीय छोरा बिमलेश यादव र स्थानीय ३४ वर्षीय रविन यादवले दुवैजनामाथि बाँसको चिरपट तथा बियरको बोतल प्रहार गरेका थिए।
घाइते दुवैजनाको प्रादेशिक अस्पताल जनकपुरधाममा उपचार भइरहेको छ।
18
Shares
प्रतिक्रिया