राजनीति


नेपालमा साम्प्रदायिक विद्वेष फैलाउने षड्यन्त्र भइरहेको छ : ओली

नेपालमा साम्प्रदायिक विद्वेष फैलाउने षड्यन्त्र भइरहेको छ : ओली

फाइल फोटो


नेपालखबर
जेठ ८, २०८० सोमबार १८:५, काठमाडौँ


प्रमुख प्रतिपक्ष दल नेकपा (एमाले)का अध्यक्ष एवम् पूर्वप्रधानमन्त्री केपी शर्मा ओलीले सामाजिक सदभावसहितको राष्ट्रिय एकतालाई सुदृढ बनाउनुपर्नेमा जोड दिएका छन्।

अध्यक्ष ओलीले धर्म, भाषा, संस्कृतिसहितका विविधतायुक्त नेपालले सामाजिक सदभावसहितको राष्ट्रिय एकताको सुदृढीकरणमा जोड दिनुपर्ने बताएका हुन्। उनले विविधता मुलुकको सामूहिक सम्पत्ति भएको उल्लेख गर्दै त्यसको सदूपयोग गर्दै अघि बढनुपर्ने आवश्यक्ता समेत औंल्याए।

नेपाल मुस्लिम इत्तेहाद संगठनले सोमबार ललितपुरमा आयाजना गरेको एक कार्यक्रममा बोल्दै अध्यक्ष ओलीले नेपालीहरुले अतिवादमा जानै नहुने पनि पटकपटक दोहोर्याए।

मुलुकमा पनि साम्प्रदायिक विद्वेष फैल्याउने षडयन्त्र भइरहेको उल्लेख गर्दै उनले त्यसबाट जोगिएर अघि बढनुपर्ने पनि बताए।

ओलीले विश्व राजनीतिमा धर्मको नाममा जनता मारिएको दृष्टान्त पेश गर्दै नेपालले पनि त्यसबाट सिकेर अतिवादको पक्षमा लाग्न नहुने बताए।

उनले भने, ‘मैले देखेको छु–समयसमयमा साम्प्रदायिक विद्धेषहरु नेपालमा पनि भड्काउन खोजिएको छ। भडकाइएको छ। मान्छे मराइएको छ। झगडा लगाइएको छ। यस्ता कुराहरु भएका छन्। यसभित्र भड्काउनका लागि अनेक षडयन्त्रहरु भएका छन्। त्यस्ता षड्यन्त्रहरुबाट पनि हामी जोगिनु पर्दछ।’

अध्यक्ष ओलीले नेपालीहरुबीच आपसी झगडा गराएर मुलुकको सामाजिक सदभाव बिथोल्ने प्रयास हुन सक्ने भन्दै सचेत पनि गराए।

प्रतिक्रिया

नेपाल खबर प्रा.लि
सूचना विभाग दर्ता नंः ५४९/०७४-७५

Nepal Khabar Pvt. Ltd.

Blue Star Complex
Thapathali-11, Kathmandu, Nepal
+977 01 5340505 / 5341389
Admin:info@nepalkhabar.com
News:news@nepalkhabar.com

विज्ञापनका लागि सम्पर्क


+977 9851081116
advertising@nepalkhabar.com
Copyright © 2021 Nepalkhabar. All Rights Reserved. Designed byCurves n' Colors. Powered by .