युनिकोड
सरकारले विभिन्न तीन महावाणिज्यदूतावासमा महावाणिज्यदूत नियुक्त गरेको छ।
मन्त्रिपरिषद्को बिहीबार बसेको बैठकले चीनको ग्वान्जाउ र ल्हासा तथा भारतको कोलकाताका लागि महावणिज्यदूत नियुक्त गर्ने निर्णय गरेको हो।
महावाणिज्यदूतमा नियुक्त हुनेहरूमा सहसचिवहरू झक्कप्रसाद आचार्य, भरत खनाल र लक्ष्मीप्रसाद निरौला छन्। खनाल ग्वान्जाउमा, आचार्य कोलकाता र निरौला ल्हासाका लागि महावाणिज्यदूत नियुक्त भएका हुन्।
महावाणिज्य दूत बनाउन संघीय मामिला तथा सामान्य प्रशासन मन्त्रालयले साउन ३२ गते उनीहरूको परराष्ट्र मन्त्रालयमा सरुवा गरेको थियो।
महावाणिज्य दूतहरूको कार्यकाल ४ वर्षको हुन्छ। विभिन्न देशमा गरी नेपालका ५ महावाणिज्य दूतावास रहेका छन्।
प्रतिक्रिया