युनिकोड
प्रधानमन्त्री केपी शर्मा ओलीले सर्वोच्च अदालतको आदेशप्रति असन्तुष्टि व्यक्त गरेका छन्।
सर्वोच्चको आदेशपछि पदमुक्त भएका मन्त्रीहरुसँग बालुवाटारमा कुरा गर्दै उनले अदालतले दु:ख दिएको बताएका छन्।
मंगलबार साँझ बालुवाटार पुगेका एक निवर्तमान मन्त्रीका अनुसार अदालतका पछिल्ला फैसलाले प्रधानमन्त्री केपी ओली चिन्तित थिए।
कुनै काम गर्न खोज्दा अदालतले दु:ख दिने गरेको ओलीले उनीहरुलाई बताएका थिए।
आज सर्वोच्च अदालतले अन्दरिम आदेश दिँदै २० जना मन्त्रीको नियुक्त बदर गरेको थियो। प्रधानमन्त्री ओलीले यस अघि नियुक्त गरेका ७ जना पूर्वमाओवादी मन्त्रीको नियुक्ति पनि अदालतले बदर गरेको थियो।
ओलीले अदालतभित्र राजनीति हाबी भएको आरोप लगाउँदै ५ जनाले मात्र कसरी काम गर्ने भन्दै दुखेसो पोखेको ती निवर्तमान मन्त्रीले बताए।
आफूले संविधान अनुसार नै मन्त्रिपरिषद विस्तार गरे पनि अदालतबाट बदर हुनु दु:खद भएको ओलीले बताएका थिए। ओलीले आफूले अदालतको आदेश मान्ने बताएका थिए।
प्रतिक्रिया