अढाई वर्षकी बालिका बेचविखन गर्ने एक महिलालाई प्रहरीले पक्राउ गरेको छ।
प्रहरीको मानव बेचविखन अनुसन्धान ब्यूरोले आर्थिक अवस्था कमजोर भएको मकवानपुरको एक परिवारकी अढाई वर्षकी बालिकालाई बेचविखन गर्ने ललितपुर गोदावरी नगरपालिकाका ४३ वर्षीय उर्मिला भन्ने कल्पना विश्वकर्मालाई पक्राउ गरेको हो।
त्यसपछि बालिकाका बुवाआमाले आफ्नी छोरीलाई उनको जिम्मा लगाएका थिए। तर, उनले काठमाडौँ ल्याएर बिक्री वितरण गरेको अनुसन्धानमा खुलेको फुँयालले बताए।
विश्वकर्माले अढाई वर्षकी बालिकालाई गत चैत २९ गते पीडितको घरबाट ल्याएर चार दिन आफ्नो घरमा राखेर बालिकालाई झापाको काकरभिट्टासम्म पु¥याएर भारतको सिलगुढी माईती भएकी महिलालाई बेचेको अनुसन्धानमा खुलेको प्रहरीले जनाएको छ।
विश्वकर्माले संस्थाको तर्फबाट भनी पीडित बालिकाको आमाबुबालाई रु २० हजार दिएको अनुसन्धानमा खुलेको छ।
प्रहरीले पीडित बालिकालाई बैशाख १० गते उद्दार गरि सुरक्षित आवास गृहमा राखेको छ।
प्रहरीले बालिका बेचविखनमा संलग्न विश्वकर्मालाई जिल्ला अदालत काठमाडौँबाट मानव बेचविखन तथा ओसारपसार मुद्दामा सात दिनको म्याद थप गरी अनुसन्धान गरिरहेको प्रवक्ता फुयालले बताए।
Shares
प्रतिक्रिया